Сабақтың мақсаты:

Оқушылардың отбасы сүйіспеншілігі  туралы білімдерін кеңейту.

Міндеттері:

-         - отбасы мүшелері  арасындағы  мейірімділік,  кішіпейілділік, жанашырлық қасиеттері туралы  білімдерін кеңейту;

- отбасы жарастығы , сыйластық қарым-қатынасының  дамуына ықпал ету;

- мейірімділікке , қамқорлыққа  тәрбиелеу.

Сабақ барысы:

1.Ұйымдастыру кезеңі

1. Сәлемдесу. Көңіл күйлерін сұрау? түгендеу. 5 Т ережесін еске түсіру.

5 Ттәртіп,талап, тыныштық, тазалық, татулық.

Тыныштық сәті:

Нұрға бөлену. (әуен қою)

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, балаларыңызға, мұғалімдерге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын… Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын… Нұр менің ішімде… Мен Нұрмын».

Осындай Нұр, Махаббат және Тыныштық күйінде  отыра тұрыңыз…

Енді осы Нұрды жүрегіңізге орналастырыңыз. Нұрға толы бүкіл әлем  сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

Ресурстар:( оқулық, дәптер)

2.Үй тапсырмасын тексеру.  «Мен  оны пір тұтамын» әңгімесін оқу. (2 топ бір-біріне сұрақ қояды).

Сұрақ қою.

1. «Отбасы бақыты» дегеніміз не?

2. Мұраттың отбасына қандай қиындық түсті?

3.Қиындықты жеңіуне не себеп болды?

4.Мұраттың бойында қандай қасиеттер бар?

5. Жақсы отбасы, адал жар болуы үшін адамға не қажет деп ойлайсыздар?

Сабақ барысын  талқылау:

3.Дәйексөз .3 рет қайталау

 «Өз туған жеріңе деген сүйіспеншілігіңді ең алдымен отбасыңа  арнамай тұрып, барша әлемді сүю мүмкін емес»

Мұхтар Шаханов.

1.Мұхтар Шаханов кім?

2.Мына  дәйексөзді қалай түсінесіздер?

3.Өз түған жеріңе деген сүйіспеншілікті қалай түсінесіңдер?

4.Отбасыңа деген сүйіспеншілікті қалай түсінесіңдер?

5.Барша әлемге деген сүйіспеншілікті қалай түсінесіңдер?

6. Неліктен өз туған жеріңе, барша әлемге деген сүйіспеншілікті Мұхтар Шаханов отбасынан басталады дейді?

4.Оқиғаларды  әңгімелеу.

«Әке бұл кім?» үзінді, « Соқыр Ана» үзінді.

1.      Ата-аналарыңызды сіздер қуанышқа қалай бөлейсіздер?
2.      Көрген  видео материалдан кейін қандай сезімде болдыңыз? 
3.      Ұл баланың әрекеті туралы не ойлайсыздар?
4.      Отбасында әке рөлі қандай?
5.      Отбасында ана рөлі қандай?
6.      Әкеге деген сүйіспеншілік  пен анаға деген  сүйіспеншіліктің  айырмашылығы  бар ма?
7.      Өздеріңіздің  ата-аналарыңызды  не  үшін  жақсы көресіздер. Өздеріңіздің  өмірлеріңізден  мысал келтіріп  айтып беріңіздер.
8.      Өздеріңіздің ата-аналарыңыздың алдындағы борыштарыңызды қалай  түсінесіздер?

5.Шығармашылық іс-әрекеттер, топтық жұмыс.

Әрбір отбасында сүйіспеншілік пен түсіністік мықты болса, қоғамның діңгегі де берік болады. Отбасында әуелі сенім мен сезім, сүйіспеншілік пен сыйластық болса, олардың жарастығы жарасып, қандай жағдайда болмасын өмірдің ащысы мен тұщысы, суығы мен ыстығы, қайғысы мен қуанышын бірге бөлісіп, жеңіп, бақытқа жете алады.

1.      Отбасы туралы мақал-мәтел.
2.      Отбасы туралы өлең шығару.

6. Топпен ән айту.

 «Ана туралы жыр»

                                                                     ҒафуҚайырбеков

Әлемніңжарығын,

Сыйладың сен маған.

Даланыңәргүлін,

Жинадың сен маған.

Сен бергенқұстардың

Қанатынсамғаған

Балалыққұштарым

Өзіңеарналған.

Әлдилеп, аялап,

Өсіргенжемісің.

Самалжел, саябақ,

Құшағың мен үшін.

Есейіпкетсем де,

Мен сағансәбимін.

Көңіліңдікөктемдей,

Көзіңнентанимын.

Өтеугеборышын

Анашым, жан сырым.

Іздедім сен үшін,

Әлемніңасылын.

Әлемніңбайлығын,

Сыйлар ем, кешмені.

Сыйлар ем ай- күнін,

Қолыматүспеді.

Ете гөр қанағат,

Әзірге берерім.

Балалық махаббат

Балалық жүрегім.

Бол риза, анашым,

Қолдағы осы бар.

Өзіңеарнаған

Әнімдіқосып ал.

 Әуен қосу

7.Үй тапсырмасы.

1. «Менің отбасым» туралы эссе.

2. «Туған күн» мәтін оқып келу.121 бет

8. Қорытынды. Адамға өмірде ең қымбаты- отбасы. Отбасында сүйіспеншілік, сыйластық, татулық , бауырмалдық болғанда бірлік болады.  Әр бала өз ата-анасына ерекше ыстық, орны бөлек екенін тіпті үлкендердің кей кездерде ескерту жасауы, ұрсуының өзі жақсы көргенен.

Тыныштық сәті. (әуен қою)

Терең дем алып, көз жұмып тынышталып ойымызды жинақтаймыз.

Тыныштық, тыныштық² бар жерде,

Тыныштық, тыныштық² бүкіл әлемде.

Бүгін сабақта қатысқандарыңыз үшін рахмет. Сабағымыз сүйіспеншілік те , сыйластықта өткеніне рахмет.