Сабақ мақсаты: Оқушыларға сабырлылық пен ұстамдылық қасиеттерін түсіндіре отырып, адамның ішкі тыныштығын сезіне білуге ықпал ету.

Міндеттері:

1.      Оқушыларға «сабырлылық» пен «ұстамдылық»  қасиеттерін ұғындыру.
2.      Оқушылардың «ұстамдылық» пен «сабырлылық» қасиеттерін дамыту
3.      Оқушыларды шыдамдылыққа, төзімділікке тәрбиелеу

Ресурстар: (оқулық,

дәптер )

Сабақ барысы:

1.      Ұйымдастыру кезеңi.

Сәлемдесу

Оқушыларды түгендеу

5 «Т» ережені қайталау. Сабақта біз: тәртіп, талап, тыныштық, татулық, тазалықты сақтауымыз керек.

Сабаққа дайындығын тексеру: оқулық, дәптер, әр түрлі түсті карандаш, қалам, күнделік

Тыныштық сәтi. (Жайлы, баяу музыка . Балалар, дұрыс отырайык, көзімізді жұмамыз, арқамызды тік ұстаймыз, қолдарыңызды тізелеріңіздің үстіне қоюға болады, аяқтатарыңызды айқастырмаймыз).«Су асты патшалығына ойша саяхат».

Мұғалім: Көзіңізді жұмыңыз және бірнеше рет терең   тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға,  өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

Қандай сезімде болдыңыздар? Ойларыңызбен бөлісіңіздер.

2.      Үй тапсырмасын тексеру. №22 сабақ «Сабыр түбі – сары алтын» атты аңыз әңгімені оқып, мәтін мазмұнын өз сөздерімен әңгімелеу, 78-79 бет

1.      Екі патша неге  келіспей қалды?
2.      Патшалар келісімге келе алмағандықтан соңы неге ұласты?
3.      «Сабыр түбі-сары алтын» дегенді қалай түсінесіздер?
4.      Сабырлы болу қиын ба?

3.      Дәйексөз.

«Ұстамдылық -әдептің ұстазы, ұстамсыздық- әлектің нұсқасы»                                     

                                Нақыл сөз (ел ауызынан берілген сөз)

1.Дәйексөздің мағынасын неде?

2.Ұстамдылық деген не?

3.Ұстамдылық –әдептің нұсқасы дегенді қалай түсіңесіздер?

     (дәйексөзді бірнеше рет айтқызу, дәптерге жазып алу)

4.      Әңгiмелеу

«Сиқырлы тас» ертегісі ( бейне көрініс, қысқарту түрінде ) Талдау

1.      Балалар бұл ертегіден не байқадыңдар?
2.      Адамдардың көңіл-күйі қандай болды?
3.      ?
4.      Сендерде сиқырлы тас тауып алсаңдар қандай көмек көрсетер едіңдер? ...

Мұғалім: Ал, ендеше балалар; - Әр нәрсенің байыбына барып, ақылға салып, өзін-өзі ұстай білу – Сабырлықтың белгісі. Қандай жағдайда болмасын қызбалыққа салынбай, шыдамдылық танытып, өз ісіне байсалдықпен қарау – Ұстамдылықтың белгісі.

5.      Шығармашылық жұмыс, топтық жұмыс.

1. Сабырлық туралы эссе жазу

2. Сөзжұмбақ шешу 

3. Мақалдардың кейбір сөздерін табу.

6.      Топпен ән айту.

                      «Біз үйде де, аулада сабырлымыз»

     Өз-өзіңді ұстай біл төзімді бол

Қызбалыққа салынбай шыдамды бол

Сабырлы да, ұстамды бола білу

Сезіндірді жүрекке тыныштықты

Қ-сы

            Біз үйде де,аула да сабырлымыз

            Шыдамдымыз,төзімдіміз 

            Жарасымды, тартымды,ұстамдымыз

            Ұстамдымыз әрқашан!

7.      Үй тапсырмасы.№23 «Адал бала» аңыз әңгімесін талдап,оқып келу.

№22 Ж.Баласағұнидың өлеңін жатқа айту,78 бет.

8.      Соңғы тыныштық сәтi.

Ыңғайланып отырыңыздар,көздеріңізді жұмыңыздар.

Бүгінгі сабақта не үйренгендеріңізді іштеріңізден қайталаңыздар.

«Мен  сабырлымын , ұстамдымын. Мен үйде де, аулада да, мектепте де өзімді сабырлы ұстаймын, еш нәрсеге ренжімеймін. Маған сабырлы, ұстамды болған өте ұнайды» деп қайталаңыздар. (Әуен дауысы бәсеңдегеннен кейін көздеріңізді ашуларыңызға болады). Сабақ аяқталды. Сау болыңыздар!