Мектепке дейінгі білім беруде ойын технологиясын қолдану
Жаңа педагогикалық технологияларды дұрыс қолдана білу, жеке тұлғаның дұрыс дамып қалыптасуына жағдай жасау, ойын технологиясы арқылы психикалық функцияларын дамыту.
ХХІ ғасыр табалдырығын білім мен ғылымды инновациялық технологиялық бағытты дамыту мақсатымен атауымыз үлкен үміттің басты нышаны болып табылады.Ұрпағы білімді халықтың болашағы бұлыңғыр болмайды деп дана халқымыз бекер айтпаса керек. Еліміздің білім саласында жүргізіліп жатқан реформаның басты мақсаты ой-өрісі жаңашыл, шығармашылық деңгейде қызмет атқара алатын, дүниетанымы жоғары, жан-жақты қалыптасқан жеке тұлға тәрбиелеу. Қазақстан Республикасының 2015 жылға дейінгі білімді дамыту тұжырымдамасында «Мектепке дейінгі тәрбие үздіксіз білім берудің алғашқы сатысы. Ол баланың жеке бас ерекшелігін ескере отырып дамытатын орталық» делінген. Мектеп жасына дейінгі балаларды дамыту мәселесі мемлекеттік саясаттың ажырамас бөлігі болып отыр. Жаңа заман баласы ертеңгі еліміздің болашағы.
.Ойын технологиясы баланың жеке басының «мен» ұғымын қалыптастырады. Балалармен қарым-қатынасы, үлкендермен қарым-қатынасы жақсарады. Ойынның қызықты болуы басқалармен бірлесіп қызмет атқаруы,өзін басқалар алдында азамат ретінде танытуға ұмтылады.
сонымен қатар баланың мектепке дайындығы қалыптасады:
оқуға деген ықыласын оятады;
оқуға жаңа әрекет,ерік жігерінің дамуы арқасында төзімділікке үйренеді;
зейінді болып,тәрбиешінің сөзін бірден қабылдайды;
оқу материалдарын ұғынып, оны саналы түрде есте сақтау, қиын мәселелерді шешуге ойлана бастайды;
айтайын деген ойын жеткізе білуге ұмтылады;
үлкенге тәуелділігі азаяды.
