Тіркелу Сайтқа кіру

Тамаша әнмен келіп еді көктемде

Тамаша әнмен келіп еді көктемде” атты әдеби-сазды кеш.

 

        Мақсаты –  Халық қаһарманы, композитор, дирижер, қазақтың музыкалық мәдениетіне  өшпес із қалдырған ұлы тұлғаның  өмірімен таныстырып, рухани асыл мұраларын насихаттап, күйлерін ойнатып, әндерін айтқызу.       

Көрнекіліктер: Нұрғиса портреті, кітап көрмесі, слайд, бейнероликтер.

Презентация – Жумабаева Әсемгүл /домбыра сыныбы мұғалімі/

«Әлқисса» күйімен ортада балалар ансамблі

Жүргізуші: Қайырлы кеш құрметті ұстаздар, ардақты ата-аналар және оқушылар! Қазақтын әйгілі күйші, композиторы, Қазақстанның халық әртісі, мемлекеттік сыйлықтын иегері, КСРО халық әртісі, халық қаһарманы Нұрғиса Тілендиевтің «Тамаша әнмен келіп еді көктемде» атты әдеби-сазды кешіне қош келдіңіздер!

Жүргізуші: Ол тума талант, ол қазақ сазының сайып қыраны, ол музыканың Махамбеті.

Жүргізуші: Нұрғиса Тілендиевтің қазақ өнеріне қосқан үлесі шексіз. Ол 500-ден астам туындының авторы.

Жүргізуші: Ол 40-тан астам пьессаға, сонымен қатар 20-дан астам фильмге, 17 мультфильмге, 14 деректі фильмге музыка жазып, қазақ сахнасы мен экран өнерінің классигіне айналған тұлға.

Жүргізуші: Осындай ұлы тұлғамызға арнап халық күйі «Жастар биін» тамашалайық. Ортада домбыра сыныбының оқушылары

Жүргізуші: Бүгінгі әдеби-сазды кешіміздің алғы сөзі мектебіміздің басшысы Тлеубаева Жадыра Жұмабайқызына беріледі.

Жүргізуші: Өмірін өнерге арнаған тума таланттың әрбір шығармасын тындағанда адамның жүрек пернесін дүп басады. Нұрғиса атамыздың домбыра шертуі, домбыраның құлағында ойнауы тіпті бөлек.

Жүргізуші: Ендеше құрметті қонақтар Нұрғиса Тілендиев атамыздың өмірі туралы бейнебаянға назар салайық.

Слайд.

Жүргізуші: Артынан өшпестей өлместей мұра қалдырған ұлы тұлға Нұрғиса атамыз қазақ музыкасын қазақ өнерін әлемдік деңгейге көтерген тұлға. Күн өткен сайын сағынышымыз арта беретіні сөзсіз Нұрғиса атамыздың жүрегінен шыққан тағы да бір тамаша туынды ол Мұхтар Шахановтың әкеге деген сағынышын халықтың журегіне сіңірген «Әке туралы жыр» әні. Олай болса Мұхтар Шахановтың сөзіне жазылған Нұрғиса атамыздың әні

«Әке туралы жыр» орындайтын Наргиза Мағжанова.

Жүргізуші: Қазақ киносының классикасы «Қыз Жібек» фильімін айтқанда бірден есіне ойына «Аққу» күйі келеді. Бұл ұлы Нұрғиса атамыздың құдіретінің кереметтілігі, өшпестігі, өлместігі.

Жүргізуші: Домбыра қағысын, перне басымын сағынған халқына күйді елітіп тартатын хас таланттын «Аққу» күйіне әдемі биді тамашалайық. Ортада Біржан Томирис. 
Қарсы алайық.

Жүргізуші: Бір күні Нұрғиса атамыз саябақта қыдырып серуендеп жүреді. Шатырға келіп қонған жалғыз тырнаны жан-жақтан келген құзғындар шоқып жан бермей ұшырып жібереді. Соны көрген Нұрғиса атамыз қатты қамығады.

Жүргізуші: Тырнаның тағдыры композитордың жан дүниесін астан-кестен етеді. Осыдан өздеріңізге белгілі «Құстар әні» дүниеге келеді.

Жүргізуші: Еліміздің тәуелсіздікке қол жеткізіп егемендік алуы дауылпаз Нұрғиса Тілендиевтің шабытын шындап, көңілін шалқытты. Егемен еліміздің басшысы Нұрсұлтан Назарбаевтың болуы, көреген де білгір адам елді басқаруы Нұрғиса атамыздың ертеңіне деген сенімін арттырды.

Жүргізуші: Әуені құлақта қалатын сары даланы сағындырып, жайлау төсіне жетелейтін ән құдіретінің кереметі. Мұқағали Мақатаев атамыздың сөзіне Нұрғиса атамыз жазған әні «Саржайлау» орындайтын Камшат Аюпова.

Жүргізуші: Тұла бойы туған табиғатымен біте қайнасқан Нұрғиса атаның таланты сол тылсым күшпен үнемі сырласатын. Қуанышың, қайғысың, мұның, сырың, махаббатың ең алдымен анасындай көретін туған елін, жерін, даласын айтатын.

Жүргізуші: 5 жасында Жамбұл атасының алдында отырып бата алған, балауса кезден домбыраны серік еткен, Ахмет Жұбановтың жетектеуімен өнерге келіп ақанның мұра етіп тастап кеткен домбырасын өлер-өлгенше қолынан тастамаған Нұрағаның жүрегі тек қана қазақ деп соғатын.

Жүргізуші: «Өз елім» әнімен ортаға Максимов Ернұр мен Мақсотов Нұрбақыт қошеметпен қарсы аламыз.

Жүргізуші: Құрметті ұстаздар, ата – аналар, оқушылар осымен бүгінгі “Тамаша әнмен келіп еді көктемде” атты қазақтын әйгілі күйші, композиторы Нұрғиса Тілендиев атамыздың шығармашылығы жөнінде өрбіген әдеби-сазды кешіміз өз мәресіне жетті.

Жүргізуші: Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік! Келесі кездескенше сау саламатта болыңыздар

dle
Пікірлер: 0
Пікір қалдыру