Тіркелу Сайтқа кіру

"Ғажайып әлем"

Тақырыбы: «Ғажайып әлемі»
Білім беру саласы: Әлеуметтік орта Мақсаты: Ертегілерді сахналау барысында кейіпкерлердің мінез-құлқын жеткізе білуге үйрету. Білімділік: Ертедегі кейіпкерлердің сөз мәнерін, қимыл-қозғалысын келтіріп ойнауға үйрету. Дамытушылық: Сөздерді анық айтып, есте сақтау қабілетін дамыту. Тәрбиелік: Балаларды адамгершілікке, дос болуға тәрбиелеу. Көрнекілік: Шарлар, жануарлар суреттері.
Ұйымдастырылған іс-әрекет. Жүргізуші: Құрметті қонақтар, «Ғажайып әлемі» атты ертеңгілігімізге қош келдіңіздер! -Алдарыңызда «Айгөлек» ортаңғы тобы өз өнерлерін көрсетеді.
«Ертегілер» әні орындалады.
Жүргізуші: О халайық, халайық, Кезекті балаларға берейік. Актёрлерді сөйлетіп, Қызығын бір көрейік.
«Дос іздеген бота»-атты ертегінің сахналық қойылымын тамашалаңыздар.
Ерте, ерте, ертеде боталы түйе болыпты. Ол өзінің жібек жүнді сүйкімді баласына мейірімділікті, адалдықты үйретіпті. Мөлдір көзді бота өте ақылды болып өседі.
Бір күні анасы: -Боташым, мен саған жақсы достан басқасының бәрін бердім. Енді тура өзің сияқты дос тап. Доссыз өмір қиын, әрі қызық емес, -дейді.
Бота өзіне ұқсайтын жалт-жұлт еткен жүні бар, жағымды үні бар дос іздеп шығады.
Жайылып жүрген құлынды көріп: -Бө-ө-ө, мен дос іздеп жүрмін,- деп бота боздайды. -Иһ-һ-һі, кел, екеуміз дос болайық,-деп құлын кісінейді. –Жоқ, сен сияқты дос емес, -дейді бота күлімдеп. –Мүмкін бұзау болар,-деп құлын ботаны шығарып салады.
Бота бұзауға келіп: - Бө-ө-ө, мен дос іздеп жүрмін,- деп бота боздайды. - Мө-ө-ө, кел, екеуміз дос болайық - деп бұзау мөңірейді. –Жоқ, сен сияқты дос емес, -дейді бота. – Мүмкін қозы болар, - деп бұзау ботаны шығарып салады.
Бота қозыға келеді: -Бө-ө-ө, мен дос іздеп жүрмін, - деп боздайды. -Мә-ә-ә, кел, екеуміз дос болайық – деп қозы маңырайды. –Жоқ сен сияқты дос емес – дейді бота күлімдеп. –Мүмкін күшік болар, - деп қозы ботаны шығарып салады.
Бота күшікке келіп: -Бө-ө-ө, мен дос іздеп жүрмін, - деп боздайды. -Әуп-әуп, кел, екеуміз дос болайық – деп күшік үреді. –Жоқ сен сияқты дос емес – дейді бота күлімдеп. –Мүмкін мысық болар, - деп күшік ботаны шығарып салады.
Бота мысыққа келіп: -Бө-ө-ө, мен дос іздеп жүрмін, - деп боздайды. -Мияу-мияу, кел, екеуміз дос болайық – деп мысық мияулайды. –Жоқ, сен сияқты дос емес – дейді бота күлімдеп. –Мүмкін әтеш болар, - деп мысық ботаны шығарып салады.
Бота әтешке келіп: -Бө-ө-ө, мен дос іздеп жүрмін, - деп боздайды. -Ку-ка-ре-ку! Кел екеуміз дос болайық – деп әтеш айғайлайды. –Жоқ, сен сияқты дос емес – дейді бота күлімдеп. –Мүмкін қарға болар,- деп әтеш ботаны шығарып салады.
Бота қарғаға келіп: -Бө-ө-ө, мен дос іздеп жүрмін, - деп боздайды. –Қа –а –рр , қа- а- рр, екеуміз дос болайық – деп қарға қарқылдайды, -Жоқ, сен сияқты дос емес – дейді бота күлімдеп. –Мүмкін бақа болар, - деп қарға ботаны шығарып салады.
Бота бақаға келіп: -Бө-ө-ө, мен дос іздеп жүрмін, - деп боздайды. –Бақ-бақ, кел, екеуміз дос болайық – деп бақа бақылдайды. –Жоқ, сен сияқты дос емес – дейді бота күлімдеп. –Мүмкін ара болар, - деп бақа ботаны шығарып салады.
Бота араға келіп: -Бө-ө-ө, мен дос іздеп жүрмін, - деп боздайды. –З –з-з-зз, кел, екеуміз дос болайық – деп ара ызылдап қуа жөнеледі. Бота арадан зорға қашып құтылады. Басы салбырап, ерні салпиып бота өз анасына келеді. Анасы: -Дос таптың ба, ботам? – деп сұрайды. –Жоқ, анашым, сенбесеңіз көктегі күннен сұраңыз.Тура мен сияқты ешкім жоқ екен, - дейді. Анасы жымиып: -Өзің сияқты дегенім, адалдығыңды айтқаным, боташым. Досты жан тазалығымен таңдау керек, - дейді. Бота қуанып, адал достары: құлынды, бұзауды, қозыны, күшікті, мысықты, әтешті, қарғаны, бақаны ертіп келіпті. Ал, араны сабырсыздығы үшін қоспаған екен дейді.
Рөлдерде:
Ботаның анасы – Тәрбиеші: Жумагалиева Жазира Бота – Мейрамбек Құлын – Алдияр Бұзау – Серік Қозы – Ұлхан Күшік – Темірлан Мысық – Қарақат Әтеш – Айжан Қарға – Әділжан Бақа – Аружан Ара – Айнель
Жүргізуші: Ертегілер-балалардың қуанышы, Ертегілер – балалардың жұбанышы. Кішкентайдан айтылғанда балаға, Өркендейді, өседі, қиыл күші – дей келе «Дос болайық» әнімен аяқтайық. dle
Ұқсас мақалалар:

"Ақ күшік" тақпағын оқи отыра, Ит - жеті қазынаның иесі екенін ұғындыру.

Білім беру саласы: Қатынас Ұйымдастырылған оқу іс-әрекеті: Көркем әдебиет Тақырыбы: «Ақ күшік»та0 Мақсаты:Суреттерді қарап түсініп ,қуана білуге...
Дос  және достық

Дос және достық

М.Өтемісұлы атындағы облыстық сауықтыру мектеп-интернаты ММ Тәрбие сағаты «Дос және достық» ...
Жуан дауыстылар: а, о, ы, ұ. «Ақ бұзау».

Жуан дауыстылар: а, о, ы, ұ. «Ақ бұзау».

Маңғыстау облысы Жаңаөзен қаласы «№13 жалпы білім беретін бастауыш мектеп» мемлекеттік мекемесі 1 «В» сынып мұғалімі Итемгенова Санимайдың қысқа...
Төрт түліктің пайдасы

Төрт түліктің пайдасы

Төрт түліктің пайдасы (6-сынып) Сабақтың мақсаты: Білімділік: оқушылардың төрт түлік мал туралы білгендерін бір жүйеге келтіріп, толықтыру. Олардың...
Түбір мен Қосымша

Түбір мен Қосымша

Түбір мен Қосымша Орманның ішінде бір кішкене үйшік бар.Онда түбір өмір сүреді.Оның достары басқаша түрленбейді екен.Түбір олар өзгерсе қалай болады...
Пікірлер: 0
Пікір қалдыру