Тіркелу Сайтқа кіру

Көбелектер әлемі

Іс-әрекет тақырыбы: Көбелектер әлемі
Іс- әрекет мақсаты: Балалардың табиғат әлеміне деген әдемілігіне қызығушылығын арттыру, бояулардың түстерінің мәнін түсінуге қалыптастыру. Дәстүрлі емес әдісті пайдалана отырып сурет сала алуға, топтасқан түрде бейнелеу құралдарының түрлерін пайдалана отырып сурет салуға үйрету. Көбелекті әртүрлі түсті пайдалана отырып әдемі бейнелеуге, құммен салуға үйрету.Балалардың шығармашылығын дамыту.
К/ құралдар: қағаз, желім, құм ыдыстағы, ылғал сүрткіштер.

Жаз ханшайымы әсем әуенмен билеп келеді. Бақтағы әсем гүдерді аралап жүреді. Осы кезде гүлдердің арасында жүген көбелектерді көреді. (Витя мен Әсем).
Жаз ханшайымы: Ой сендер қандай әдемі көбелексіңдер! Мұнда не істеп жүрсіңдер?
Көбелектер: Ойнап, гүлдерді аралап жүрміз.
Жаз ханшайымы: Қане, ендеше бәріміз бірге ойнайық!
Көбелектер ойыны: « Өз гүліңді тап» ( түстеріне қарай).
Осы кезде ызыңдап ара келеді.
Ол көңілді, бірақ киімдері кір-кір.
Ара: (Көбелектерге келіп) Көбелектер сендер неге отырсыңдар, мен сияқты қыдырмайсыңдар ма? Маған осылай жүрген ұнайды. Оқуды да оқығым келмейді.
Көбелектер: Жооқ, біз сен сияқты жалқау арамен дос болғымыз келмейді. Үстіңе қарашы кір-кір. Біз одан да сабаққа дайындалуымыз керек.
Ара: Көбелектер, мен сендермен дос болайыншы?
Жаз хашайымы: Сендер олай дауласпаңдар. Одан да араға бір мүмкіндік беріп көрелік. Менің сендерге тапсырмам бар, соны бәріміз бірге орындайық. Егер ара соны дұрыс орындаса, бірге оқуға, дос болуға уәде берейік. Менімен келісесіңдер ме? Олай болса менің тапсырмамның шарты мынадай: алдарыңдағы суреттегі жабысып тұрған қағазы желімінен ажыратып, түрлі-түсті құммен бояу. Балалар жұмысын қадағалау талдау жасау. Біздің ғажайып көбелегіміз көңілді. Енді бәріміз ойын ойнаймыз. Гүлдер бетпердесін , көбелектер бетпердесін киген балалар ортаға шығады.
Көбелектер мен ара берілген тапсырманы шамалары келгенше дұрыс орындап, жасаған суреттерін көрсетті.
Көбелектер туралы тақпақтар айтты.
Әсем: Ақ қанатты көбелек,
Көк қанатты көбелек,
Қызыл қанат көбелек
Бақшамызға келе кет.

Кристина: Жаздыгүні шілдеде
Жеміс пісіп толады.
Қызыл, жасыл гүлдерге
Көбелектер қонады.
Жаз ханшайымы: Балалар, сендер, менің берген тапсырмамды өте жақсы орындадыңдар, тақпақ айтып көңілімді көтердіңдер. Сендерге көп рахмет. Енді сендер доссыңдар ғой, ендеше білім күні мерекесіне бірге барыңдар. Мен сендермен келесі жазға дейін қоштасамын. Сау болыңдар.
Бәрі бірге жиналып «Білім күні» мерекесіне кетті.

dle
Пікірлер: 0
Пікір қалдыру